na noite fría dos que sofren nos soños
nos soños profundos dos fogares baleiros
nos fogares profundos das noites sen repouso
dende o tempo escuro do acalado momento
escoito os mortos daquel tempo
escoito os nenos daquel tempo
tentando burlar con pantasmais supervivencias
á morte que axexa tras o noso silencio
berrando dende aquela o teu nome
dende aquela o teu nome
co berro libertario dos que non teñen nome
non nome
sacado de semente que non dá máis semente
non nome
nin morte do verso que os faga sobrevivir
No hay comentarios:
Publicar un comentario